Опис на обуката

Оваа обука е наменета за учесниците кои сакаат да се запознаат со современите предизвици во областа на сајбер-безбедноста. Преку темелно разгледување на актуелните закани и напади, учесниците ќе ги научат клучните концепти и техники за ефективно справување со дигитални закани, како што се рансомвер, малвер, фишинг и DDoS напади. Обуката вклучува практични примери и сценарија кои овозможуваат подобро разбирање на стратегиите што ги користат напаѓачите и начините на превенција и реакција. На крајот, учесниците можат да го проверат своето знаење преку завршен квиз. Учесниците кои успешно го завршат квизот, ќе добијат сертификат за успешно завршена обука за дигитални закани.

Цели на обуката

• Да се идентификуваат најчестите дигитални закани и нивните методи на изведба.
• Да се разберат механизмите на дејствување на рансомвер, малвер, фишинг и DDoS напади.
• Да се стекнат основни вештини за препознавање и заштита од овие закани.
• Да се зголеми свеста за важноста на превентивните мерки и нивното практично применување за заштита на дигиталната инфраструктура.